TEKSTONG ARGUMENTATIBO - KATOTOHAN AT KASAYSAYAN: IBA ANG MAY ALAM
KATOTOHAN
AT KASAYSAYAN: IBA ANG MAY ALAM
ni JHOREL BRYAN M. RIVERA
Dapat bang
sang-ayunan ang ginagawang pananakop ng Russia sa ba bansang Ukraine? O dapat
maging taliwas ang opinsyon natin dahil sa
mga posibleng mangyari sa pagpapatuloy ng digmaan ng mga bansang ito? At
sa kaakibat na kahihinatnan nito ay ano kayang magiging epekto nito sa mundo at
maging sa mundo ng pag-iinhinyero? Tunay ngang napaka-init ng usaping ito
ngayon at dapat bigyang pansin. Nararapat lang din na magbigay ng papanigan ang
isang indibidwal ukol ditto. Malaking parte ang pangyayaring ito sa ating buhay
kung kaya’t nararapat lamang na bigyang pansin ang digmaang ito at dito ko
napag-isipan at nakalap ang pagpanig ko sa argumento ukol sa usaping ito.
Sa digmaang
nagaganap sa pagitan ng Ukraine at Russia ay hindi lamang ito babago dahil sa
aking nakalap na impormasyon ay may mas malalim pala itong pinagmulan at yan ay
nasagot ng kasaysayan. Itong hidwaang ito ay nagsimula taong 1991 nang mabuwag
ang samahang kinabibilangan ng 14 na bansa kabilang na rito ang Ukraine na
pinamumunuan naman ng Russia na ang samahan ay tinatawag na USSR. Sa
pagkakabuwag nito ay ilan sa mga bansang kabilang dito ay nakuha ang kalayaan
at nagpatuloy bilang indepenteng bansa. Ang iilan naman ay nanatiling bansang
may kaugnayan pa rin sa bansang Russia. Ang Ukraine naman ay tila ba hati ang
nangyari sapagkat ang kanlurang bahagi nito ay pabor sa demokratikong
pamamahala ng Europa at ang silangang bahagi naman nito ay mas piniling pumabor
sa Russia ukol sa usaping political. Sa taong 2013, Ang nanalong presidente ng
Ukraine ay isa Pro-russia o ito ay pabor na mas panigan ang Russia at hindi ang
Europa. Nais nitong itigil na ang suporta sa Europa at ibabaling ang pamahalaan
sa pagsuporta sa Russia na lamang. Dahil ditto ay nagalit ang mga nasa
kanlurang bahagi ng bansang Ukraine kung kaya’t inilunsad ang protesta na
tinawag na “Euromaidan Protest”. Sa kadahilanang ang gabinete ng bansa ay pabor
sa Europa, napagbotohang patalsikin ang president taong 2014. Wala na sanang
problema nang biglang umatake naman ang mga rebeldeng mga separatista na mga
suportado ng Russia. Dito ay ang pagsulpot din ng pagkakabilang ng Crimea sa
Russia na hindi rin nagustuhan ng Ukraine at hindi kinilala ng iba pang mga
bansa. Sa kadahilanang ang Crimea ay sumusuporta sa Russia, ikinagalit din ng
mga ito ang pagpapatalsik sa president kung kaya’t napagbotohang sa Russia sila
kakampi ngunit sabi ng Ukraine at iba pang mga bansa ay hindi maaari iyon kung
kaya’t sumagot sa Pangulong Putin ng Russia na nagging malinis naman ang
botohan ang pangitang-pangita na sa Russia ang gusto ng Crimea. Dahil sa gulong
ito ay sumali na ang ibang bansa upang mamagitan dito kabilang na ang pagpasok
ng NATO.
Sa pagpasok ng
NATO o North Atlantic Treaty Organization at ng iba pang mga bansa ay
napagkasunduan na ang dalawang panig ay magkakaroon ng ceasefire na inakalang
matatapos na ang digmaan sa pagitan ng dalawang bansa ngunit taliwas pala ito
sa inaasahan nila sapagkat noong 2015, Sa paraan ng Cyberhacking ay umatake
naman ang mga Russian na nagging sanhi ng problema sa systema ng Ukraine
lalung-lalo na ng mawalan ng kuryente ang malaking parte nito. Dahil dito ay
naglunsad ang NATO ng malawakang pagsasanay na kinabibilangan ng lib-libong mga
military at ilang mga bansa sa silangang bahagi ng Europa na katabi ng Russia.
Dito rin napag-alaman na nais ng Ukraine na sumali sa NATO kung kaya’t ditto ay
nagalit ang pangulo ng Russia na si Putin at nagbanta agad na aatakihin nito ang
Ukraine kung ito ay sasali sa nasabing organisasyon. Ngayon ay umaatake na ang
Russia at ito ay pinangangambahang lumawak kung may ibang bansang maaaring
madamay na makakapagpasimula ng sinasabing World War 3. Kaya bilang sagot sa
unang tanong ay marahil napakakomplikadong usaping ito ngunit ako ay hindi
sumasang-ayon sa pananakop ng Russia sa bansang Ukraine. Sa mga nakalap kong
mga impormasyon at sa kasaysayang aking nalaman. Ito ay nagpapakita ng
kagahamanan ng Russia. Gusto nitong kuhanin uli pabalik ang Ukraine at
pamahalaan ito katulad ng nasa USSR noon. Marahil ayaw nilang sumapi sa NATO
ito dahil hindi na nila mahahawakan ang bansang ito kung magkataon. Ngunit sa
isang hindi nagkakaisang bansa ay magiging masalimuot pa rin ito at
mahihirapang magkasundo sa magkasulangat na mga panig ngunit ito ay
magsisilbing mitsa ng kaguluhan sa buong mundo kung hindi maiisaayos. Sa parte
naman ng Russia, Sila ay isang makapangyarihang bansa kung kaya nila ito
pinagpapatuloy. Sa pagsang-ayon ko dito ay kabilang ang pagkadismaya sa Pangulo
ng Russia na si Putin dahil pinairal nya ang mali sa paghawak ng mga usaping
katulad nito. Mas nanaig ang kapangyarihang kaya nilang manipulahin ang mas
maliit na bansa kaysa sa kanila.
Ang kalayaang pumili ay naging magulo rin dahil sa
hindi pagkakaisa ng bansa kung kaya’t lumakas din ang loob ng Russia upang
sakupin sila sapagkat kalahati ng Ukraine ay sa kanila ang panig. Ito ay
maaaring maging Malala at humantong sa pandaigdigang digmaan kung kaya
nararapat lamang na ito’y hindi sangayunan. Marami ring dalang masamang epekto
ito maging sa atin kahit na malayo ang bansa natin sa kanila at kasabay nito
ang epekto sa pag-iinhinyero. Isang bagay na naramdaman ngayon ay ang patuloy
na pag-angat ng presyo ng mga produkto. Ang sanhi ng kadahilanang ito ay dahil
maraming kumpanya sa bansang kabilang sa digmaan na natitigil ang operasyon
kung kaya’t nagmahal ang mga produkto at bumabagal ang proseso dahil na rin sa
maraming trabahador ang apektado. Sa pagtaas ng produkto lalung-lalo na ang
petrolyo ay kasabay nito ang pagmahal ng iba pang mga bagay sapagkat ito ay
isang pangunahing pangangailangan lalung-lalo na sa transportasyon kung kaya’t
maging ang mga kailangan bilang inhinyero ay nagmamahal din katulad ng mga
materyales na ramdam na ramdam ang pag-angat ng presyo. Sa usapin pa ng mga
imprastraktura ay marahil nakakapag-isip rin dahil apektado rin ang mga Global Business Service dahil sa mga
tauhan nito. Sa pagpapatayo ng mga imprastraktura ay isasa-alang alang na rin
ang mga posibilidad dahil hindi rin inaasahan ang mga maaaring mangyari katulad
ng digmaan.
Sa pagpapatuloy ng pangyayaring ito, Tunay ngang malaking epekto ang hatid nito at may mga bagay na dapat sang-ayunan at maraming dapat hindi na dapat natin isaalang alaang ang kapakanan ng lahat at ng iba’t iba pang maaaring kabilang sa masasakupan ng pangyayaring ito. Malaki ang epektong dadalhin nito sa atin kung kaya dapat tayong mabahala at magkamayroon ng boses kung ano ang dapat at hindi dapat bilang tulong na rin sa bansa at ibang maaaring makabilang dito katulad ng mga propesyon na ang pag-iinhinyero ay isang halimbawa at ang iba pa. Hindi lang sa pansarili bagkus mabuting pagusapan ang pangyayari sa mundo upang maging handa kung anuman ang mangyari.
Comments
Post a Comment